[Paperezko bertsioa, 2018(e)ko ekaina] Aldizkari berria

Zure harpidetza kudeatu | Web-orrian sartu | Nortzuk gara | web-orrian bilatu

Consumer aldizkari berria

Irakurle hori, Zurekin harremanetan jartzen gara Eroski Consumer aldizkaria garai berri bat hastera doala jakinarazteko, bere informazio arloko ibilbide luzean. Duela berrogei urte baino gehiago sortu zen, kontsumitzaileei beren eskubideen eta kontsumo munduko legezko interesen berri emateko, eta bere edukietan konfiantza duten milaka etxetako erreferente bihurtu da. Zure kontsumo-aldizkariak hazten jarraitzen du, handiagoa eta erakargarriagoa da orain. Inprimatutako bertsioan orrialde kopurua nabarmen hazi dugu, eta ondorioz, aldizkari osoagoa eta informatzaileagoa da. Paper hobea du. Diseinu berria du, maketazio freskoagoa eta argazki landuagoak; irakurtzeko atsegina eta probetxuzkoa da. Aldaketa garrantzitsuak dira, irakurleen eskari eta behar berrietara egokitzeko. Baina ez da dena aldatu. Gaiak zorrotz tratatzen jarraituko dugu, egiaz eta independentziaz, eta gure informazioa atsegina eta erabilgarria izango da, horiek baitira eta izango dira gure ardatzak, eta horiek daude zenbaki, orri eta aldizkari bakoitzaren oinarrian. Informazio sinesgarria eskaini nahi diogu bizimodu osasungarria eta jasangarria nahi duen kontsumitzaileari, eta asmo hori darabilgu egunero, gure informazio-produktua zuri eskaintzean. Elikadura, osasuna, elikagaien segurtasuna, txikienen eta adinekoen zaintza, etxeko ekonomia, ingurumena, aisia... izango dira, orain ere, gai nagusiak eta aldizkaria egiten dugun aditu taldeak landuko ditu. Zuretzako bizimodu hobea nahi duen familia handia baikara. Aldizkariak doakoa izateari utziko dio etapa berri honetan; salneurri sinbolikoa izango du hemendik aurrera, eta horri esker marken eta fabrikatzaileen publizitaterik gabe mantenduko da. Ondorioz, erabat independentea izango da eta informazio egiatia eta praktikoa emango du. Hileko lehenengo egunetik egongo da eskura Eroski saltokietan eta zu aldizkari digitaleko harpideduna zarenez, zure posta elektronikoan jasoko duzu, hila igarotakoan. Zure leialtasunari eta konfiantzari esker, gaur hastera doan etapa hau bideragarria izango da. Eskerrik asko, Alejandro Martínez Berriochoa EROSKI Fundazioko zuzendaria

Kontsumitzailearen egunkariaren harpideduna zarenez geroztik, EROSKI CONSUMER Aldizkariaren buletina ere jasotzen duzu. Harpidetza nahi duzun momentuan utzi dezakezu, hurrengo helbidera joz www.consumer.es/boletines

info@consumer.es EROSKI CONSUMERen oso serio hartzen dugu zure datuen pribatutasuna, lege oharra. © EROSKI Fundazioa